Төрийн ордонд өнөөдөр /2025.04.04/ Дундговь аймгийн эрдэмтэн доктор 180 гаруй хүн чуулж байна. Энэ талаар Дундговь аймгийн Засаг дарга С.Мөнхчулуунаас тодрууллаа.
ВИДЕО:
Дундговь аймгийн засаг дарга С.Мөнхчулуун: Өнөөдөр “Талын гэгээ Эрдэмтэд” гээд Дундговь аймгаас төрөн гарсан эрдэмтдийн төрийн бус байгууллага байгуулагдаад анхдугаар чуулганаа хийж байна. Анхдугаар чуулган дээр эрдэмтэд өөрсдийн судалсан, өөрсдийн мэргэшсэн сэдвийн дагуу илтгэл тавьж байна. Энэ хуралд шинжлэх ухааны академийн ерөнхийлөгч С.Дэмбэрэл гуай хүрэлцэн ирж Шинжлэх ухааны академиас хэрэгжүүлэх үйл ажиллагааны талаар, Дундговь аймагтай цаашид хэрхэн хамтран ажиллах талаар санал бодлоо хуваалцлаа. Мөн энэ төрийн бус байгууллага маань хүндэт ерөнхийлөгчөөр академич С.Нарангэрэл гуайг сонголоо. Миний зүгээс аймгийнхаа нөхцөл байдал, ямар салбар дээр эрдэмтэдтэй хамтран ажиллах талаар танилцууллаа.
