Энэ оны гуравдугаар сарын 8, 9-ний өдрүүдэд зүүн гурван аймагт хээрийн гал түймэр гарсан. Үүнтэй холбоотой маш олон айл гал түймэрт өртөж, орон гэргүй, хашаа хороогүй болсон. 7000 орчим мал гал түймэрт өртсөн гэдэг хохирлыг ОБЕГ-аас танилцуулсан. Үүнтэй холбоотой Дундговь аймгаас “Нэг өрх-нэг хонь” хандивын аяныг санаачлан зохион байгуулсан.
ВИДЕО:
Энэ талаар Дундговь аймгийн Засаг дарга С.Мөнхчулуун: Дөрөвдүгээр сарын нэгний өдрийн мэдээгээр 3600 орчим хонь, ямаа, 70 орчим сая төгрөгийн бэлэн мөнгө цугласан. Хандивт цугласан малыг зөөж хүргэх ажилд “Мах маркет”, “Мах импекс”, “Дорнод мах” зэрэг компаниудын зүгээс хонь ачдаг машинаа хандивласан. Нэг машин дээр 300, 600 хонь ачдаг машиныг хандивын аянд үнэ төлбөргүй хандивлахаар болсон. Нийтдээ 900 гаруй сая төгрөгийн мөнгөн хандив цуглаад байна. Дундговьчууд, монголчууд нэгдэж чаддаг ард түмэн гэдгээ харуулж чадсан.
