Монголбанкны ерөнхийлөгч Б.Лхагвасүрэнгийн бүрэн эрхийн хугацаа дуусч түүний дараа УИХ-ын гишүүн, сайд асан Ч.Хүрэлбаатарыг томилно гэх мэдээлэл гарсан.
Энэ талаар албаны эх сурвалжаас тодруулахад, "Монголбанкны ерөнхийлөгчийг зургаан жилийн хугацаатай томилдог. Одоогийн ерөнхийлөгч Б.Лхагвасүрэнг 2019 оны арваннэгдүгээр сарын 22-ны өдрийн чуулганы хуралдаанаар томилсон. Энэ дагуу Б.Лхагвасүрэнгийн бүрэн эрхийн хугацаа 2025 оны арваннэгдүгээр сарын 22-ны өдөр дуусна" гэлээ.
УИХ-ын гишүүн, сайд асан Ч.Хүрэлбаатарыг Монголбанкны ерөнхийлөгчөөр томилох талаарх мэдээлэл 2024 оны сонгуулийн дараагаас гарсан юм.
