Монгол Улсын арслан Ц. Бямба-Отгон, дуучин Э.Баярмаатай хамтран “Өвөрхангай бидний нутаг” тоглолтод дуулж, үзэгч түмнийхээ сонорыг мялаах гэнэ. Тоглолт Монголын хүүхдийн ордонд гуравдугаар сарын 6-ний өдөр ганцхан удаа болох аж.
Улсын арслан Ц.Бямба-Отгоны хувьд чансаагаараа дээгүүрт бичигдэж буй бөхчүүдийн нэг. Тэрбээр сар шинийн барилдаанд түрүүлэх бөхчүүдийн таамагт бичигдэж байсан ч хоёрын даваанд өвдөг шороодсон юм.
Ц.Бямба-Отгон 1995 оны гуравдугаар сарын 11-ний өдөр Өвөрхангай аймгийн Төгрөг суманд төрсөн. “Их Монгол хүчтэн” дэмжээ, “Алдар” спорт хороо, Зэвсэгт хүчний 034-р анги, Нутгийн буян группийн бөх юм.
