Баянгол дүүрэгт менингококкын халдварын сэжигтэй тохиолдол бүртгэгдэж, лабораторид явуулсан шинжилгээний хариуг хүлээж байгаа талаар ХӨСҮТ-өөс энэ сарын 31-ний өдөр мэдээлсэн билээ.
Тэгвэл тус сэжигтэй тохиолдлын хариу сөрөг гарчээ.
Уг өвчнөөс урьдчилан сэргийлэх дараах зөвлөмжийг хүргэж байна.
Илрэх шинж тэмдэг:
- Гэнэт өндөр халуурах
- Бөөлжих
- Ядарч сульдах
- Хурц гэрэл, дуу чимээнд эгдүүцэх
- Цусархаг тууралт гарах
- Толгой, үе мөчөөр хүчтэй өвдөх
- Хоолонд дургүй болох
Урьдчилан сэргийлэх аргууд:
- Хамар хоолойн цочмог болон архаг үрэвслийг эмчлэх
- Өглөө бүр нүүр гараа угааж, сармис, нимбэг, чацарганын шүүс хэрэглэх
- Өвдөхөөс сэргийлж, өрөөг агааржуулах
- Өдөр бүр гараа тогтмол угаах
- Дархлаа дэмжих витаминтай хоол хүнс хэрэглэх
- Улиралдаа тохируулан дулаан хувцаслах
- Маск зүүж, гараа тогтмол халдваргүйжүүлэх
