"Моод"-ын гэх Б.Болдыг цагдаагийн байгууллагаас эрэн сурвалжилж байгаа гэх мэдээлэл цахим сүлжээнд цацагдаж, энэ талаарх мэдээлэл нь олны анхаарлыг татаад байна.
Түүний талаар мэдээлэл байгаа бол 94945423 дугаарт холбогдохыг хүсчээ. Мөн тус мэдээлэлд гэмт хэргээс урьдчилан сэргийлэх тухай хуулийн 35.3-т зааснаар "Гэмт хэрэг, зөрчлийн хэрэг бүртгэл, мөрдөн шалгах эрх бүхий байгууллага, албан тушаалтан мэдээллийн нууцыг чанд хадгалж, шаардлагатай бол мэдээлэгчийн аюулгүй байдлыг хангах арга хэмжээг авах үүрэгтэй" гэдгийг тодотгожээ.
Тэгвэл "Моод"-ын гэх Б.Болдыг "Бусдын нэр төрд халдсан" гэх үндэслэлээр эрэн сурвалжилж байгаа гэдгийг эх сурвалж мэдээллээ. Б.Болд нь бусдын нэр төрд халдсан хэргээр шалгагдаж байхдаа хуулийн байгууллагын дуудсан цагт ирээгүй, хаяг нь тодорхойгүй байгаа учир ийнхүү эрэн сурвалжилж байж болзошгүй байна.