"Их бит" ХХК-ийн үйл ажиллагаа хариуцсан захирал О.Мөнхжин, гүйцэтгэх захирал Б.Гантиг нарт холбогдох хэргийн урьдчилсан хэлэлцүүлэг өнгөрсөн оны тавдугаар сарын 17-ны /2024.05.17/ өдөр Сүхбаатар дүүргийн Эрүүгийн хэргийн анхан шатны шүүхэд болсон билээ.
Шүүх хуралдааны эхэнд шүүгдэгч нарын өмгөөлөгч "Шүүх хурлыг хаалттай явуулж өгөх хүсэлт" гаргасан бөгөөд шүүх бүрэлдэхүүн тус хүсэлтийг хүлээн авч, хэргийг хаалттай хэлэлцсэн юм. Улмаар шүүхээс тус хэргийг прокурорт буцаасан байдаг.
Тэгвэл тус хэргийг мөрдөн шалгах ажиллагаа үргэлжилж байгаа аж. Энэ талаар НПГ-ын Хэрэг бүртгэх, мөрдөн шалгах ажиллагаанд хяналт тавих II хэлтсийн дарга Г.Гэрэлтуяагаас тодруулахад "О.Мөнхжин нарын койны хэргийг ЭЦА-ны Эдийн засгийн гэмт хэрэгтэй тэмцэх газарт шалгаж байна" гэх мэдээллийг өглөө.
