“Цахим эрүүл мэнд” төслийн хэргээр шалгагдаж буй С.Энхболдыг ЭМДЕГ-ын даргаар томилжээ

“Цахим эрүүл мэнд” төслийн хэргээр шалгагдаж буй С.Энхболдыг ЭМДЕГ-ын даргаар томилжээ

Эрүүл мэндийн даатгалын ерөнхий газрын дарга Л.Бямбасүрэн болон ЭМДЕГ-ын Нэхэмжлэлийн хяналтын хэлтсийн дарга А.Төвшин нар нь авлига албан тушаалын гэмт хэрэгт холбогдож, улмаар Засгийн газрын есдүгээр сарын 25-ны өдрийн хуралдаанаас Эрүүл мэндийн даатгалын ерөнхий газрын дарга Л.Бямбасүрэнг үүрэгт ажлаас нь чөлөөлсөн билээ. 

Тэгвэл түүний оронд Эрүүл мэндийн сайд асан С.Энхболдыг томилсон байна. Тэрбээр Улсын нэгдүгээр төв эмнэлэгт (УНТЭ) Дүрс оношилгооны төвийн дарга, Улсын хоёрдугаар төв эмнэлгийн (УХТЭ) захирал, Эрүүл мэндийн сайд, Эрүүл мэндийн дэд сайдаар ажиллаж байсан нэгэн юм. 

Ташрамд өгүүлэхэд, С.Энхболд нь “Цахим эрүүл мэнд” төслийн хөрөнгийг БНСУ-ын аж ахуйн нэгжтэй хамтарч завшиж үрэгдүүлсэн гэх хэрэгт холбогдон, өдгөө АТГ-т шалгагдаж байгаа билээ.