Энэ жил сар шинийн баяраар билгийн тооллын шинийн нэгэн тасарч буй талаар Гандантэгчэнлин хийдээс болон физикийн шинжлэх ухааны эрдэмтэд мэдэгдсэн.
Тодруулбал, хоёрдугаар сарын 28-нд битүүлж, гуравдугаар сарын 1-нд шинийн нэгэн тохиох байсан ч ийнхүү тасарсан тул гуравдугаар сарын 1 буюу шинийн 2-нд золгохоор болжээ. Түүнчлэн нийтээр тэмдэглэх баярын болон тэмдэглэлт өдрүүдийн тухай хуульд "Сар шинийн баяраар билгийн тооллын шинийн 1,2,3-ны өдөр бүх нийтээр амарна" гэж заасан байна.
Тиймээс энэ жилийн Цагаан сараар гуравдугаар сарын 1, 2-ны бямба, ням гарагт шинийн 2,3-ны өдрүүд тохиож байгаа тул амралтын хоёр өдөрт золгож, шинийн дөрвөн буюу даваа гарагаас ажлын өдрүүд эхлэх юм байна.
