Сүүлийн үед БНХАУ-д хүний метапневмовирус /Mycoplasma pneumoniae/ “HMPV” гэх вирусны талаар олон нийтийг түгшээсэн мэдээлэл нийгмийн сүлжээнд нэлээдгүй гарч байна.
Энэхүү вирус нь ханиадны томуутай төстэй шинж тэмдэг үүсгэдэг амьсгалын замын вирус бөгөөд хөнгөн хэлбэрийн уушигны хатгалгаа болгох ялангуяа нярай болон бага насны хүүхдүүдэд илүү ихээр тусаж байгаа аж. Хүүхдэд томуугийн гол илрэл нь халуурах бөгөөд толгой өвдөх, булчин сулрах, ядарч сульдах, ханиалгах, хоолой өвдөх, нус гоожих зэрэг амьсгалын замын шинж тэмдэг дагалддаг. Зарим хүүхдэд дотор муухайрах, бөөлжих, суулгах, хоолны дуршил буурах зэрэг ходоод гэдэсний замын шинж тэмдэг насанд хүрэгчдийнхээс илүү тод илэрч байна.
Томуугийн вирусээр өвчилсөн хүүхдүүдийн дийлэнх нь цочмог явцтай, бие даан дамждаг. Халуурах нь ерөнхийдөө 2-3 хоног үргэлжилж, 1 долоо хоногийн дотор эдгэрдэг ч зарим хүүхдүүд удаан үргэлжлүүлэн ханиалгах, ядарч сульдах зэрэг шинж тэмдгүүд илэрч байгаа талаар Хятадын Үндэсний эрүүл мэндийн хорооноос анхааруулсан.
Иймд Хятад улсад зорчихоор ирж байгаа болон тус улсад ажиллаж, амьдарч байгаа манай улсын иргэд “HMPV” вирусээс урьдчилан сэргийлж, бага насны хүүхдийг олон нийтийн газраар дагуулж явахгүй байх, амны хаалтыг тогтмол зүүж, хувийн ариун цэврээ сайтар сахихыг Монгол Улсаас БНХАУ-д суугаа Элчин сайдын яамнаас анхааруулж байна.
