Мал тооллогын урьдчилсан дүнгээр улсын хэмжээнд 2024 оны эцэст 57.6 сая толгой мал тоолуулжээ.
Малын тоог төрлөөр нь авч үзвэл адуу 4.7 сая, үхэр 5.1 сая, хонь 24.5 сая, ямаа 22.9 сая болсон бол тэмээ 480.6 мянга тоологдсон байна. Мал тооллогын урьдчилсан дүнгээр Хөвсгөл аймаг тэргүүлжээ. Тус аймаг өнгөрч буй онд 5.2 сая толгой мал тоолуулсан байна. Тэгвэл Өвөрхангай 5.1 сая, Архангай 4.1 сая, Баянхонгор 4.0 сая, Төв аймаг 4.2 сая толгой мал тоолуулснаар эхний тавд багтлаа. 2024 оны мал тооллогын урьдчилсан дүнгээр Архангай аймаг адуу, үхрийн тоогоор, Өмнөговь аймаг тэмээний тоогоор, Өвөрхангай аймаг хонины тоогоор, Баянхонгор аймаг ямааны тоогоор тэргүүлжээ.
