М-Си-Эс Кока-Кола компанийн хувьд оны эхний 11 сарын байдлаар 67.7 тэрбум төгрөгийн татвар шимтгэл улсын төсөвт төвлөрүүлж, 1030 орчим хүнийг ажлын байраар хангаж, Монгол улсын нийгэм, эдийн засгийн хөгжилд бодитой хувь нэмэр оруулснаар МҮХАҮТ-ын 27 дахь удаагийн Энтрепренёр шалгаруулалтын "Оны Шилдэг ААН"-ээр шалгарлаа.
Мөн манай компани байгаль орчин, нийгэмд ээлтэй бизнес эрхэлж, НҮБ-ын 2030 он хүртэл хэрэгжүүлэх Тогтвортой хөгжлийн 17 зорилтоос 14 зорилтыг үйл ажиллагаандаа авч хэрэгжүүлж байна. Өнгөрсөн хугацаанд байгальд ээлтэй үйл ажиллагаа эрхлэхийн тулд нийт 39 тэрбум төгрөгийн “ногоон” хөрөнгө оруулалт хийгээд буй нь манай хамт олны бахархал юм.
