Баян-Өлгий аймгийн Ногооннуур сумын нутаг дэвсгэрт орших олон улсын зэрэглэлтэй авто замын Цагааннуур боомт Шинэ жилийн баяртай холоотойгоор 9 хоног амарна.
Тодруулж хэлбэл, энэ сарын 30, 31-ний өдөр болон ирэх сарын 1-8-ны өдрүүдэд ажиллахгүй. Учир нь ОХУ-д нэгдүгээр сарын 1, 2, 3, 4, 5, 6, 7, 8-ны өдрүүдэд Шинэ жилийн амралтын өдрүүд тохиож байгаа аж. Харин ирэх сарын 9-ний өдрөөс боомт үйл ажиллагаагаа хэвийн явуулна.
Ташрамд дурдахад, "Хилийн боомт болон Монгол-Оросын хилийг хялбарчилсан журмаар нэвтрэх тухай Монгол Улсын Засгийн газар, ОХУ-ын Засгийн газар хоорондын хэлэлцээр"-ийн дагуу хоёр талын нийтээр тэмдэглэх баяр, амралтын өдрүүдэд хилийн боомтыг түр хаах асуудлыг хоёр улсын хилийн бүрэн эрхт төлөөлөгчид харилцан тохиролцсон байдаг.
