Сонгинохайрхан дүүрэгт оршин суух 54 настай эмэгтэй хашаандаа осгож амиа алдсан харамсалтай хэрэг гарчээ.
Тодруулбал, “2024 оны арванхоёрдугаар сарын 26-ны өдөр 19 цагийн орчимд Сонгинохайрхан дүүргийн 34 хорооны …тоотод хүн нас барсан байна” гэсэн дуудлага мэдээлэл бүртгэгдсэн. Дуудлага мэдээллийн дагуу шалгахад нэг иргэн осгож нас барсан нөхцөл байдал тогтоогдсон бөгөөд шалгалтын ажиллагааг үргэлжилж байгаа аж. Иймд хүйтний эрч чангарсан энэ үед баяр ёслолтой холбоотойгоор согтууруулах ундааны зүйл хэрэглэсэнээс осгож нас барах тохиолдол ихсэж байгааг цагдаагийн байгууллагаас сэрэмжлүүлж байна.
