Оросын эрдэмтэд Сибирийн Якутын бүс нутгаас өнгөрөгч зургаадугаар сард олдсон 50 мянган гаруй жилийн өмнө амьдарч байсан арслан зааны нялх тугалын сайтар хадгалагдсан биеийг танилцуулсан байна.
"Яна" гэж нэрлэсэн эмэгчин арслан зааны тугалын биеийг мөнх цэвдгийн тогооны ёроолоос нутгийн иргэд олж илрүүлсэн гэж Оросын төрийн мэдээллийн ТАСС мэдээлжээ. Якутск дахь Зүүн хойд холбооны их сургуулийн арслан зааны музейн эрхлэгч Максим Чепрасов ТАСС агентлагт мэдээлэл өгөхдөө, "Бид үүнийг дэлхийн хамгийн шилдэг олдворуудын нэг гэж хэлж болно. Арслан зааны тугал үхэхдээ нэг настай байсан бөгөөд 180 кг жинтэй байж, шинжилгээний үр дүнд геологийн нас нь 50 мянган жил" гэж тодорхойлсон тухайгаа ярьжээ.
Эх сурвалж: CNN
