Оросын цэргийн дарга амь үрэгдсэн Украины тусгай ажиллагааны талаар АНУ-д урьдчилан анхааруулаагүй гэж мэдэгджээ

ОХУ-ын Зэвсэгт хүчний цацраг, хими, биологийн хамгаалалтын албаны дарга И.Кириллов болон түүний туслах амь үрэгдсэн Украины үйл ажиллагааны талаар АНУ-д урьдчилан анхааруулаагүй гэж AFP агентлаг Америкийн өндөр албан тушаалтны мэдээллээс иш татан мэдээлжээ.

Тодруулбал, АНУ энэ ажиллагааны талаар урьдчилж мэдээгүй, бид ийм үйлдлийг дэмжихгүй, зөвшөөрөхгүй гэсэн байна. Харин Украины Аюулгүй байдлын алба дахь эх сурвалж өмнө нь уг дэлбэрэлт бол Оросын генералыг "дайны гэмт хэрэгтэн, туйлын хууль ёсны бай" гэж үзсэн тагнуулын ажиллагаа гэж мэдэгджээ.

Эх сурвалж: BBC

ВИДЕО: Скүүтер дээр тэсрэх бөмбөг байршуулж Оросын цэргийн дарга И.Кирилловын амь насыг хөнөөсөн хэрэг гарчээ

Москвагийн Рязанскийн өргөн чөлөөнд болсон дэлбэрэлтийн улмаас Оросын цацраг, хими, биологийн хамгаалалтын цэргийн дарга И.Кириллов болон түүний туслах амь үрэгджээ. Учир нь түүний гарч явсан байшингийн дэргэд тэсрэх бөмбөгөөр тоноглосон скүүтер дэлбэрсний улмаас тэрээр амиа алдсан талаар олон улсын мэдээллийн агентлагууд мэдээлсэн байна.

ВИДЕО:

ВИДЕО: Скүтер дээр тэсрэх бөмбөг байршуулж Оросын цэргийн дарга И.Кирилловын амь насыг хөнөөсөн хэрэг гарчээ https://t.co/RuAy3OqgM5 pic.twitter.com/UUuK9WUq3Z
— iSee.mn (@iSee_MN) December 18, 2024

Харин И.Кирилловыг хөнөөсөн хэрэгт буруутган Узбекистаны иргэнийг саатуулсан бөгөөд түүнийг Украины тусгай албад элсүүлж, түүнд 100 мянган ам.доллар болон Европын аль нэгэнд амьдруулахаар амласан байна гэж Оросын тал мэдэгдсэн байна. Мөн байцаалтын үеэр тэрээр бусдын заавраар Москвад ирж, гар хийцийн тэсрэх бөмбөг хүлээн авсан. Ингээд үүнийгээ цахилгаан скүүтер дээр байрлуулж, И.Кирилловын амьдардаг байшингийн үүдэнд байрлуулсан.

Гэмт хэрэгтэн И.Кирилловын оршин сууж буй газрыг хянахын тулд тэрээр автомашин түрээсэлж, видео хяналтын камерыг суурилуулсан. Ингээд түүнийг байшингаас гарч байгаа дүрс бичлэгийн дохиог хүлээн авсныхаа дараа тэсрэх төхөөрөмжийг алсаас удирдсан” гэжээ.

Эх сурвалж; Varlamov news