БНСУ-ын Ерөнхийлөгч Юн Сок Ёолийг онц байдал зарласантай холбогдуулан огцруулах үйл явцыг эхлүүлэхийг /импичмент/ Үндэсний Ассамблей дэмжсэн. Ингэснээр Үндсэн хуулийн цэц түүнийг албан тушаалд нь эргүүлэн томилох эсвэл огцруулах эсэхийг шийдэх хүртэл бүрэн эрхийг нь түр түдгэлзүүлээд буй.
Улмаар тус улсын Үндсэн хуулийн шүүх импичментийн шүүх хурлыг эхлүүлснээр Ерөнхийлөгч Юн Сок Ёол сайн дураараа огцрох боломжгүй болжээ. Энэ талаар өнөөдөр тус улсын эрх баригч намын зарим хүмүүс "Улс төрийн эмх замбараагүй байдлыг хурдан шийдвэрлэхийн тулд ерөнхийлөгч Юн Сок Ёолыг нэн даруй огцруулах ёстой. Эс бөгөөс Ерөнхийлөгч Юн Сок Ёолын "импичмент"-ийн улмаас консерватив нам бүхэлдээ нурж унаж магадгүй байна" гэжээ.
Тус улсын Захиргааны хуульд сахилгын хэрэг хянан шийдвэрлэх ажиллагаа эхэлсэн төрийн албан тушаалтан ажлаасаа чөлөөлөгдөж болохгүй гэж заасан байдаг тул тэрбээр өөрөө сайн дураараа огцрох боломжгүй болжээ. Ийнхүү БНСУ-ын Ерөнхийлөгч Юн Сок Ёолын хувь заяаг одоо Үндсэн хуулийн цэц шийднэ.
