Энэ онд нийслэлийн суурьшлын бүсэд идэш тэжээл хайсан, гэмтэж бэртсэн болон бусад байдлаар орж ирсэн зэрлэг амьтдын тухай 97 удаагийн дуудлага иргэдээс иржээ. Дуудлагын дагуу нийт 22 зүйлийн 108 бодгаль зэрлэг амьтанд шаардлагатай арга хэмжээг авч, аварсан байна. Тодруулбал хөхтөн амьтан 30, 52 могой суурьшлын бүсэд орж ирсэн бол 26 шувуу гэмтэж бэртсэн байжээ.
Хот орчимд гэмтэж бэртсэн зэрлэг амьтантай таарсан тохиолдолд 7272-0303, 11-310505 дугаарын утсаар мэдээлэл өгөх боломжтой. Халиун буга, бор гөрөөс, нүүдлийн шувууд гэмтэж, эндэх тохиолдол их байгаа тул анхаарал болгоомжтой хандаж, үргээхгүй байхыг НБОГ-аас уриаллаа.
