Өнгөрөгч мягмар гараг /2024.12.03/-т БНСУ-ын Ерөнхийлөгч Юн Сок Ёол "дайны байдал"-д зарласан ч түүний зарлигийг тус улсын парламент нь хүчингүй болгосон.
Харин Ерөнхийлөгч Юн Сок Ёолын "дайны байдал"-д зарлах шийдвэр гарсны дараа БНСУ-ын Батлан хамгаалахын сайд Ким Ён Хён "олон нийтийг төөрөгдүүлж, түгшүүр төрүүлсэндээ уучлал гуйж байна" хэмээн мэдэгдэж, албан тушаалаасаа огцорно гэдгээ мэдэгдсэн юм.
Ингээд удалгүй БНСУ-ын Ерөнхийлөгч Юн Сок Ёол Батлан хамгаалахын сайд Ким Ён Хёны албан тушаалаасаа огцрох өргөдлийг нь хүлээн авсан. Тэгвэл БНСУ-ын Батлан хамгаалахын сайд асан Ким Ён Хёныг эх орноосоо урвасан хэргээр Өмнөд солонгосын цагдаагийн газраас буруутгаж, түүнийг баривчлан саатуулсан талаар Yonhap агентлаг мэдээлжээ.
Эх сурвалж: Yonhap
