БНХАУ-ын иргэд энэ сарын 04-05-нд шилжих шөнө Хөшигийн хөндий орчимд нэгнээ буудаж, амь насыг нь хөнөөсөн хэрэг гарсан талаар бид өмнө нь мэдээлсэн. 

Энэ талаар цагдаагийн байгууллагаас "Төв аймгийн Сэргэлэн сумын нутаг дэвсгэрт БНХАУ-ын хоёр иргэнийг барьцаалж, ар гэрээс нь мөнгө нэхэн зодож, улмаар БНХАУ-ын нэг иргэний амь насыг хохироож, нэг хүний эрүүл мэндэд хохирол учруулсан хэрэг гарсан. Тус БНХАУ-ын хоёр, Монгол Улсын хоёр иргэнийг холбогдуулан шалгаж, цагдан хорих таслан сэргийлэх арга хэмжээ авч, мөрдөн шалгах ажиллагаа явуулж байна" гэж мэдэгдсэн юм. 

Тэгвэл тухайн нэр бүхий иргэдийг "Хүнийг алах" буюу Эрүүгийн хуулийн 10 дугаар зүйлийн 1 дэх хэсэг, "Хүнийг барьцаалах" буюу Эрүүгийн хуулийн 13 дугаар зүйлийн 1 дэх хэсэгт  зааснаар яллагдагчаар татсан байна. Улмаар прокуророос дээрх яллагдагч нарыг цагдан хорих таслан сэргийлэх арга хэмжээ авах саналыг Хан-Уул дүүргийн Эрүүгийн хэргийн анхан шатны шүүхэд хүргүүлж, тус шүүхээс энэ сарын 05-ны өдрөөс нэг сарын хугацаатайгаар цагдан хорих таслан сэргийлэх арга хэмжээ авсан байна. 

Энэ сарын 04-05 /2024.12.04-05/ нд шилжих шөнө Хөшигийн хөндий орчимд БНХАУ-ын иргэд нэгнээ буудаж, амь насыг нь хөнөөсөн хэрэг гарсан талаар бид өмнө нь мэдээлсэн. 

Тодруулбал,  БНХАУ-ын иргэнийг нутаг нэгтэн нь хууран мэхэлж монголд авчираад, улмаар хулгайлж Хөшигийн хөндий орчимд буудаж, амь насыг нь хөнөөсөн талаар эх сурвалж мэдээлж буй юм. Тэгвэл энэхүү ноцтой хэрэгтэй холбогдуулж Монгол Улсын хоёр иргэнийг мөн шалгах эхэлсэн байна. 

Энэ талаар ЦЕГ-аас, "Төв аймгийн Сэргэлэн сумын нутаг дэвсгэрт БНХАУ-ын хоёр иргэнийг барьцаалж, ар гэрээс нь мөнгө нэхэн зодож, улмаар БНХАУ-ын нэг иргэний амь насыг хохироож, нэг хүний эрүүл мэндэд хохирол учруулсан хэрэгт БНХАУ-ын хоёр, Монгол Улсын хоёр иргэнийг холбогдуулан шалгаж, цагдан хорих таслан сэргийлэх арга хэмжээ авч, мөрдөн шалгах ажиллагаа явуулж байна" гэж мэдэгдлээ.

Монгол Улсад ирээд байсан БНХАУ-ын иргэд нэгнээ буудаж, амь насыг нь хөнөөсөн ноцтой хэрэг саяхан гарсан байна.

Тодруулбал,  энэ сарын 04-05 /2024.12.04-05/ -нд шилжих шөнө нийслэлийн Хан-Уул дүүргийн нутаг дэвсгэр, Хөшигтийн хөндий авто замд БНХАУ-ын иргэд нэгнээ буудаж, амь насыг нь хөнөөсөн ноцтой хэрэг гарсан байна. Эх сурвалжийн мэдээлж буйгаар, "Тухайн гэмт хэргийг үйлдсэн БНХАУ-ын нэр бүхий иргэн нь амь хохирогчийг Хятадаас хуурч, мэхлэх байдлаар Монгол Улсад авчирч, улмаар түүнийг хулгайлж, Хөшигтийн хөндий орчимд авч ирээд буудаж, амь насыг нь хөнөөсөн" гэх мэдээллийг өгсөн юм. Тус хэргийг Цагдаагийн байгууллагаас шалгаж, сэжигтэн этгээдийг цагдан хориод байгаа ажээ.