Сүхбаатар аймгийн Дарьганга сумын нутагт орших Ганга нуурын дэргэд 5600 ширхэг бургас, хайлаас, навчит модны төгөлд 1600 ширхэг 6 төрлийн навчит мод тарьжээ.
Сонирхуулахад, Ганга нуур нь Сүхбаатар аймгийн Дарьганга сумын төвөөс зүүн урагш 11 километрт Молцог элсний зүүн хойд захад орших 4 хавтгай дөрвөлжин километр талбайтай, элсэнд боогдон тогтсон нуур юм. Мөн Ганга нуур, Молцог элс, түүний захаар орших Холбоо, Сүмт зэрэг нууруудыг хамарсан 32860 га талбай бүхий нутгийг 1993 онд улсын хамгаалалтанд авчээ.
