Дэлхийн хамгийн том сүлжээ хоолны газруудын KFC брэнд нь Монголд нээгдээд хэдийн 11 жил өнгөрчээ. Тэгвэл KFC брэнд нь энэхүү ойдоо зориулан 11 нууц жор, 11 бэлгийг нийт гурван сарын турш задлан 110 хэрэглэгчийг баярлуулан хайраар дүүргэлээ.
Ойн баярыг тохиолдуулан хэрэглэгч нартаа барьсан 11 дэх буюу хамгийн супер бэлэг болох Турк улс руу аялах эрхийг 11 хэрэглэгч гардан авч, KFC брэндийг сонгон үйлчлүүлснээр шунан дурлам амтыг амтлахаас гадна амьдралын мөч бүрийг аз жаргалаар дүүргэдэг хэмээн баярласан сэтгэгдлүүдээ хуваалцлаа.
Баярт жилээ угтсан 11 төрлийн бэлэг дунд оюутан залуучуудаа дэмжих зорилготой бүтэн жилийн сургалтын төлбөрийн тэтгэлгийг 19 оюутан, завгүй амьдралын хэмнэлээс түр завсарлага авах боломжтой “Жуулчин Тэрэлж Резорт”-д амрах 1 сая төгрөгийн эрхийн бичийг 3, “Playstation-5” тоглоомыг 3 хэрэглэгч авсан бол 11 хүүхдийн хүслийг газар дээр нь биелүүлсэн зэрэг олон бэлгээр бялхуулсан баярт үйл явдал болсон хэмээн KFC брэндийн хамт олон онцолж байлаа.
Монголдоо дэлхийн стандартыг нэвтрүүлж буй KFC брэнд нь 11 жилийн турш хэрэглэгч нэг бүрийг хайраар дүүргэж, аз жаргалтай мөч бүрийг нь шунан дурлам амтаар хөглөсөөр ирсэн билээ. Хүн бүрийн жаргалтай мөч бүхэнд амт нэмж буй KFC брэндийн хамт олонд 11 жилийн ойн баярын мэндийг хүргэе.
