"Японы Ерөнхий сайд Фумио Кишида, Монгол Улсын Ерөнхийлөгч Ухнаа Хүрэлсүх нар энэ сарын сүүлээр Улаанбаатарт болох уулзалтаар батлан хамгаалахын техник, технологи дамжуулах талаар өргөн хүрээтэй тохиролцоонд хүрэх төлөвтэй байгааг эх сурвалжууд мэдээллээ" гэж middleasiannews.com суваг мэдээлжээ.
Тус мэдээлэлд, "Япон, Монголын Засгийн газар батлан хамгаалахын үндсэн тоног төхөөрөмж, технологи дамжуулах хэлэлцээрийн эцсийн шатанд орж, хоёр улс батлан хамгаалахын техник хэрэгслийг харилцан экспортлох боломжтой гэж Японы засгийн газрын эх сурвалж хэлжээ. Энэхүү гэрээ нь батлан хамгаалахын техник, технологийн зөв менежментийг зорьсон улсдаа шилжүүлэх зорилготой юм. Гэрээнд албан ёсоор гарын үсэг зурах ажил энэ намрын сүүлчээр болох төлөвтэй байна" гэжээ.
Мөн Кишида Хүрэлсүхтэй 2022 оны арваннэгдүгээр сард Токио хотноо уулзаж, хоёр улсын удирдагчид дипломат харилцаа тогтоосны 50 жилийн ойг тохиолдуулан хамтарсан мэдэгдэл гаргасан юм. Мэдэгдэлд, хоёр орны улс төр, аюулгүй байдлын харилцааг сайжруулах ажлын хүрээнд Япон, Монгол хоёр улс батлан хамгаалахын техник, технологийн салбарт хамтын ажиллагаагаа хөгжүүлнэ гэдэгт санал нэгджээ. Мөн Японы засгийн газар Аюулгүй байдлын албан ёсны тусламж (OSA)-ын хүрээнд Монгол Улсыг нэгдмэл сонирхолтой улс орнуудын армид батлан хамгаалах хэрэгсэл, дэмжлэг туслалцааг үнэ төлбөргүй олгодог орнуудын жагсаалтад оруулахаар хэлэлцэж байна" гэжээ. Холбоотой мэдээллийг ЭНД ДАРЖ үзнэ үү.
