"Парис 2024" зуны олимпоос мөнгөн медаль хүртсэн Б.Баасанхүү өнөөдөр /2024.08.05/ өглөө эх орондоо ирлээ. Тодруулбал, манай улс нэг мөнгө, шагналт гурван байртайгаар "Парис 2024" зуны олимпод 16 дугаар байрт эрэмбэлэгдэж байна.
Энэ талаар Монгол Үндэсний олимпын хорооноос, "Манай тамирчид "Парис 2024" зуны XXXIII Олимпын наадмын Жүдо бөхийн төрөлд 5 тивийн 378 тамирчид өрсөлдсөнөөс 1 тамирчин мөнгө, 3 тамирчин шагналт 7-р байр эзэлж 122 улсаас 16-д эрэмбэлэгдсэн амжилт үзүүллээ Бидний хувьд 8-р сарын 5-аас 8-р сарын 11-ийг хүртэл хөнгөн атлетик, чөлөөт бөх, хүндийг өргөлтийн төрөлд нийт 13 тамирчин өрсөлдөх юм. Цаашид өрсөлдөх баг тамирчдадаа амжилт хүсье" гэж мэдэгдлээ.
