Өнөөдөр “Парис-2024” зуны олимпын наадмын чөлөөт бөхийн барилдаан эхэлж байна. Дэлхийн 61 орны 291 бөхчүүд сонгомол болон чөлөөтийн эрэгтэй, эмэгтэй жинд 18 багц медалийн төлөө өрсөлдөх юм.
Манай улсаас эмэгтэйчүүдийн 68 кг-ын жинд "Белград-2023” дэлхийн аварга шалгаруулах тэмцээний мөнгөн медальт, Ази тивийн мөнгө, хүрэл медальт, ЦЕГ-ын Хүч спорт хороо, Үндэсний шигшээ багийн тамирчин, ОУХМ Энхсайханы Дэлгэрмаа өнөөдөр өрсөлдөх юм. Тэрбээр эхний даваанд Олимпын хүрэл, дэлхийн аваргын алтан медальт Киргизстаны Мээрим Жаманзароватай учраа таарчээ. Ялбал Япон, Венесуэлийн бөхчүүдийн ялсантай! Киргизын бөх Токио-2020 олимпын наадамд манай бөх С. Батцэцэгийг хүрэл медалийн төлөөх барилдаанд ялж байв.
