Үндэсний их баяр наадмын энэ өдрүүдэд Цаг уур, орчны шинжилгээний газраас нийт нутгаар цаг агаарын нөхцөл байдал ямар байгааг огт мэдээлэхгүй, тус төрийн байгууллагын weather.gov.mn вэб сайт ч ажиллахгүй байна.
Тэгвэл цаг агаарын талаар мэдээлэл хүргэдэг зарим сувгийн мэдээллээр, "өнөөдөр /2024.07.13/ ихэнх нутгаар үүлэрхэг бага бороо орно. Улаанбаатар хот орчимд өдөртөө +23 +25 орчим градус дулаан. шөнөдөө Зуунмод хот, Налайх, Тэрэлж, Эрдэнэ, Баяндэлгэр сумын нутаг, Багахангай, Багануур дүүргийн нутгаар аадар бороо орох төлөвтэй байна. Харин маргааш буюу энэ сарын 14-ны өдөр говийн болон төвийн, зүүн аймгуудын нутгаар усархаг аадар бороо орох төлөвтэй байна. Мөн маргааш Даланзадгад хот орчимд, шөнөдөө Дорноговийн зарим сумд, Сайншанд хот орчимд, нөгөөдөр буюу энэ сарын 15-ны өдөр Дундговь, Говьсүмбэр, Хэнтий, Дорнод аймгийн нутгаар усархаг аадар бороо орох төлөвтэй байгаа тул үер усны аюулаас сэрэмжилнэ үү.
