Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадам өнөөдөр /2024.07.11/ Азарга, Их насны морьдын уралдаанаар үргэлжилнэ.
Тэгвэл яг одоо "Хүй долоон худаг"-т азарга гараанаас гарахад бэлтгэж байна. Энэ жилийн баяр наадамд 192 азарга уралдахаар бүртгүүлсэн байна. Мөн морь унаач хүүхдүүдийн аюулгүй байдлыг хангаж, тэдний хамгаалалтын хувцас хэрэгслийг холбогдох төрийн байгууллагын алба хаагчид шалгаж байгаа ажээ.
