АН-ын Үндэсний бодлогын хороо /ҮБХ/-ны цахим хурал өнөөдөр /2024.07.07/ 18:00 цагт зарлагдсан ч, 19:00 цагийн орчимд 57 хувийн ирцтэйгээр эхэлсэн байна. Хурлын эхэнд АН-ын дарга Л.Гантөмөр үг хэлсэн байна.
Тэрбээр, "баасан гараг /2024.07.05/-т хуралдсан МАН-ын бага хурал хамтарсан Засгийн газар байгуулахыг дэмжсэн байна. Харин Улс төрийн зөвлөлийн гишүүд олонх нь хамтарсан Засгийн газар байгуулахыг дэмжсэн, улмаар хэлэлцээ хийх эрхийг надад өгсөн. Иймд хамтарсан Засгийн газарт АН орж ажиллах эсэхийг ҮБХ-ны шийдвэрлэж өгнө үү" гэсэн утгатай үгийг хэлсэн байна. Ингээд яг одоо АН-ын ҮБХ-ны гишүүд "хамтарсан Засгийн газарт орох эсэх" асуудлаар саналаа хэлж байгаа бөгөөд санал хураалт эхлээгүй байгаа ажээ.
