УИХ-ын 2024 оны сонгуульд нэр дэвших эрхээ Захиргааны хэргийн шүүхэд хандан олж аваад буй "Үндэсний эвсэл"-ийн жагсаалтын нэгдүгээр бичигдсэн Н.Номтойбаяр энэ сарын 18 /2024.06.18/-ны өдөр Ерөнхий сайд Л.Оюун-Эрдэнийн оролцох арга хэмжээнд очиж, түүнтэй нүүр тулахаа мэдэгдсэн байна.
Тодруулбал, энэ сарын 18-ны өдөр Ерөнхий сайд Л.Оюун-Эрдэнэ Худалдаа аж үйлдвэрийн танхимд хүрэлцэн ирж эдийн засаг, бизнесийн орчны асуудлаар салбарын хүмүүстэй уулзалт ярилцлага хийх аж.
Харин энэхүү арга хэмжээн дээр "Үндэсний эвсэл"-ийн Н.Номтойбаяр очиж, Ерөнхий сайд Л.Оюун-Эрдэнэтэй нүүр тулах болно гэдгээ мэдэгджээ. Тэрээр энэ тухайгаа өөрийн твиттер хуудастаа, "Л.Оюун-Эрдэнэ жагсаалтын 48-тайгаа хамт уулзалт хийх юм байна. Засгийн газрын бодлогогүйгээс үүдэлтэй хохирсон Аж ахуй нэгжүүд өргөнөөр бүртгүүлж, тавилттай жүжгийг нь эвдэж, нүүр тулъя! Би очих болно" гэж мэдэгджээ.
@OyunerdeneMN жагсаалтын 48-тайгаа хамт уулзалт хийх юм байна. ЗГ-ын бодлогогүйгээс үүдэлтэй хохирсон ААН-үүд өргөнөөр бүртгүүлж, тавилттай жүжгийг нь эвдэж, нүүр тулъя! Би очих болно. pic.twitter.com/Z7NJSWH8Ii
— Н.Н.Номтойбаяр (@Nomt7) June 15, 2024
