УИХ-ын 2024 оны сонгуульд нэр дэвшигчдээ улс төрийн намууд өнөөдөр /2024.05.20/ тодруулах сүүлийн өдөр. Иймд АН-ын Үндэсний бодлогын хороо /ҮБХ/, МАН-ын Бага хурал нэр дэвшигчдээ тодруулах хурлын тов гараад байна. Харин эдгээр хурлын өмнө АН-ын Улс төрийн зөвлөл, МАН-ын Удирдах зөвлөл хуралдах ёстой. Тэгвэл өнөөдөр 14:00 цагт зарлагдсан МАН-ын Удирдах зөвлөл одоог хүртэл хуралдаж чадаагүй, тус намын Бага хурлын төлөөлөгчид "Тусгаар тогтнолын ордон"-д цугласан хэвээр байна.
