Украинд хэдэн мянган жилийн өмнөх оршуулгын газар олдсон бөгөөд нас барагсдын хөлийг тойрсон сүх, сэлэм, үнэт эдлэл нь зан үйлийн холбогдолтой гэж үзэж буй талаар Archaeological Relics сайт мэдээлэв.
Украины археологичид мянган жилийн настай оршуулгын газрыг олсон бөгөөд үхэгсдийг зэвсэг, үнэт эдлэл, хачирхалтай хувингийн хамт оршуулсан байжээ. XI зууны оршуулгын газар нь Киевээс өмнө зүгт 80 километрийн зайд оршдог байна. Украины Үндэсний Шинжлэх Ухааны Академийн археологич Всеволод Ивакин, Вячеслав Баранов нар 107 булшнаас "тодорхойлсон оршуулгын ихэнх нь модон авсанд оршуулсан" гэж Археологийн хүрээлэнгийн жил тутмын хуралд тавьсан илтгэлдээ бичжээ.
Мөн оршуулгын газарт нас барсан хүмүүсийн дунд эрэгтэй, эмэгтэй хүмүүс байдаг аж. Ингэхдээ зарим эрчүүдийг сүх, жад, сэлэм зэрэг зэвсгийн хамт оршуулсан байна. Харин эмэгтэйчүүдийн булшны хүзүүнд нарийн ширхэгтэй бөгжөөр ороож оршуулсан байжээ. Түүнчлэн зарим хүмүүсийн хөлд нь модон хувин тавьж оршуулсан нь тухайн цаг үеийн зан үйлийн нэг хэсэг байж магадгүй гэж үзсэн байна. Археологичид эртний оршуулгаас чулуун тахилын ширээ, бугуйвч, бөмбөлгүүдийг, тахианы яс, өндөгний хальс зэрэг хүнсний өргөлийн үлдэгдэл зэрэг бусад олдворуудыг олсон бөгөөд тус тахилын ширээг христийн болон харь шашны зан үйл, эсвэл хоёуланд нь ашигладаг аж.
