АНУ-ын Төрийн нарийн бичгийн даргын орлогч Курт Кэмпбелл энэ сарын 19-23-ны өдрүүдэд Япон болон Монголд айлчлах талаар "Newsis" мэдээлжээ. Энэ бол Дэд сайд Кэмпбеллийн ажлаа авснаас хойшхи анхны гадаад айлчлал юм.
Төрийн департамент өчигдөр буюу энэ сарын 19-ний өдөр мэдээлснээр, дэд нарийн бичгийн дарга Кэмпбелл Японы нийслэл Токио хотод айлчилж, Японы засгийн газрын өндөр дээд албан тушаалтнуудтай уулзаж, Японы Ерөнхий сайд Фумио Кишида 4-р сард АНУ-д хийх төрийн айлчлалын бэлтгэл ажлын талаар хэлэлцэхээр төлөвлөж байгаа гэжээ.
Мөн энэ уулзалтын дараа дэд сайд Кэмпбелл Монгол Улсын нийслэл Улаанбаатар хотноо Монголын төрийн өндөр дээд албан тушаалтнуудтай уулзахаар болжээ. Энэхүү уулзалтаар АНУ, Монгол Улсын стратегийн түншлэлийн харилцааг хэлэлцэхээр төлөвлөж буйгаа мэдэгдэв. Төрийн департамент, “Дэд нарийн бичгийн дарга Кэмпбелл энэхүү айлчлалаа ашиглан Энэтхэг-Номхон далайн бүс нутаг болон бусад орнуудад эрх чөлөө, хөгжил цэцэглэлтийг ахиулахад Америкийн гүнзгий амлалтаа онцлон харуулах болно” гэжээ.
Эх сурвалж: Newsis
