Баянзүрх дүүргийн засаг дарга асан Д.Пүрэвдаваа өөрийн хүсэлтээр АН-ын гишүүнчлэлээс татгалзаж буйгаа мэдэгджээ. Тодруулбал, тэрбээр өчигдөр /2024.03.06/ Баянзүрх дүүргийн Иргэдийн төлөөлөгчдийн хурал дахь АН-ын бүлэгт гаргасан албан бичигтээ, "Д.Пүрэвдаваа миний бие өөрийн хүсэлтээр Ардчилсан намын гишүүнчлэлээс татгалзсан тул цаашид тус бүлэгт хамаарч, бүлгийн аливаа үйл ажиллагаанд оролцохгүй болохоо үүргээр илэрхийлж байна" гэжээ. Д.Пүрэвдаваа Баянзүрх дүүргийн АН-ын хорооны даргаар ажиллаж байхдаа удаа дараа орон нутгийг сонгуульд АН-ыг ялуулж, тус дүүргийн засаг даргын албан тушаалыг хашиж байсан нэгэн юм. Харин тэрбээр ийнхүү АН-ын гишүүнчлэлээс өөрийн хүсэлтээр чөлөөлөгдөж байгаа бололтой.
