Монгол орны ихэнх нутгаар хаваржилт хүндэрч, зудын эрсдэл нүүрлээд байгаатай холбоотойгоор ШУТИС мал бүхий иргэдийн оюутнуудыг хичээлээс чөлөөлж байгаа талаараа мэдэгдэл гаргажээ. Тодруулбал, тус сургууль нь малчин өрхийн 1700 оюутнаас санал асуулга авсан бөгөөд тэдгээрийн 550 нь гэр бүлдээ туслан, дэмжиж ажиллах шаардлагатай гэдгээ илэрхийлсэн байна. Тиймээс эдгээр оюутнуудыг өөрсдийнх нь хүсэлтээр ирэх гуравдугаар сарын 22-ныг хүртэл хичээлээс чөлөөлж байгаа аж.
