Засгийн газрын ээлжит хуралдаан үргэлжилж байна. Өнөөдрийн хуралдаанаар "Эрдэнэс Тавантолгой" ХК-ийн хувьцааны талаар авах зарим арга хэмжээний тухай Засгийн газрын тогтоолын төсөл, "Эрдэнэс Тавантолгой" ХК-ийн хувьцааны ногдол ашгийн талаар авах зарим арга хэмжээний тухай" Засгийн газрын тогтоолын төсөл, Даатгалын салбарын өнөөгийн байдал, тулгамдаж буй асуудал, авч хэрэгжүүлэх арга хэмжээний талаар зэрэг 22 асуудал хэлэлцэх болон танилцахаар төлөвлөөд байна.
Өнөөдрийн Засгийн газрын хуралдааны дараа "Эрдэнэс Тавантолгой" ХК-ийн Төлөөлөн Удирдах Зөвлөл хуралдана. Мөн ирэх даваа гарагт /2024.02.05/ УИХ-ын ээлжит бус чуулган хуралдаж Үндэсний баялгийн сангийн тухай хуульд өөрчлөлт оруулах юм. Үүний дараа иргэдэд 119 мянган төгрөгийн ногдол ашгийг тараана.
Энэ бүгдийг "Цагаан сарын баяр"-аас өмнө амжуулна гэх мэдээлэл бий. Мөн цагаан сарын дараа энэ хэмжээний ногдол ашгийг дахин тараана. Эрдэнэс тавантолгой ХК-ийн 2023 оны цэвэр ашиг 3 их наяд төгрөг болсон гэж буй. Үүний 2.2 их наяд төгрөг нь төрийн эзэмшлийнх, 870 гаруй тэрбум нь иргэдийнх аж.
