АН-ын дэргэдэх Ардчилсан эмэгтэйчүүдийн холбооны тэргүүнийг тодруулах "Дээд чуулган" энэ сарын 25 /2023.09.25/-ны өдөр товлогдоод буй. Учир нь УИХ-ын дэд дарга С.Одонтуяа тус холбооны тэргүүний ажлаа хүлээлгэн өгнө гэдгээ мэдэгдсэн.
Иймд Ардчилсан эмэгтэйчүүдийн холбооны тэргүүнд УИХ-ын гишүүн А.Адъяасүрэн, "Фортуна" Н.Батбаярын охин Жаргалан, УИХ-ын гишүүн асан З.Нарантуяа, Ашигт малтмалын газрын дарга асан Г.Үүрийнтуяа, "М-Ойл” группийн захирал Б.Пунсалмаа нар өрсөлдөнө гэдгээ одоогийн байдлаар илэрхийлээд байгаа ажээ. Мөн энэ сарын 25-нд болох тус холбооны "Дээд чуулган"-д Монгол улсын 21 аймаг, есөн дүүргээс сонгогдсон 350 гаруй эмэгтэй төлөөлөгчид оролцож, эмэгтэйчүүдийн тэргүүнээ тодруулах ажээ.
