Ерөнхий сайд Л.Оюун-Эрдэнэ өчигдөр /2023.09.19/ Сэлэнгэ аймагт ажиллаж тариалан эрхлэгчидтэй уулзаж, санал солилцсон юм. Харин энэ үеэр “Гацуурт” компанийн захирал Л.Чинбат тариалангийн талбайд мал ороод байдаг тул татвар төлөгчдийн есөн тэрбум төгрөгөөр хашаажуулж өгөх хүсэлт гаргасан. Улмаар Ерөнхий сайд зөвшөөрсөн талаар зарим хэвлэл мэдээлж, иргэд цахим сүлжээнд шүүмжилж буй.
Тэгвэл өнөөдрийн /2023.09.20/ Засгийн газрын хуралдаанаас гарсан шийдвэрийг Засгийн газрын Хэрэг эрхлэх газрын дарга Д.Амарбаясгалан танилцуулсан.
Энэ үеэр сэтгүүлчид дээрх асуудлын талаар тодруулахад, “Төсвийн хөрөнгөөр хувийн компанийн хашаа барина гэсэн буруу ойлголт явсан байна. Ийм зүйл байхгүй. Татвар төлөгчдийн мөнгөөр хувийн компанийн хашаа барихгүй” гэсэн юм.
ҮЗЭХ:
