Засгийн газрын өнөөдрийн /2023.09.20/ хуралдаанаас гаргасан шийдвэрийг танилцуулж байна. Хуралдаанаар Төсвийн хөрөнгө оруулалтаар хэрэгжүүлж байгаа төсөл, арга хэмжээний хэрэгжилтийг сайжруулах, дуусаагүй барилга байгууламжийг ашиглалтад оруулах талаар холбогдох арга хэмжээг авч хэрэгжүүлэх талаар хэлэлцсэн.
Энэ талаар Сангийн сайд Б.Жавхлан, “Улсын хэмжээнд 736 төсөл арга хэмжээ төсвийн хөрөнгө оруулалтаар баригдаж байна. Төсвийн хөрөнгөөр барьж, олон жил үргэлжилсэн барилгуудын 60-70 хувь нь захиалагч буюу төрийн буруугаас болсон гэх судалгаа гарсан. Ингэхдээ ТЭЗҮ дутуу, барилгын зураг төсөл хэд хэд өөрчлөгдсөн гэх мэт шалтгаан олон байна. Иймд үүнээс хойш ТЭЗҮ нь батлагдаагүй барилгыг төсвийн хөрөнгөөр санхүүжүүлэхгүй.
Харин одоо баригдаж байгаа 736 төсөл арга хэмжээний найм болон түүнээс дээш нь 25 жил төсөл хөтөлбөр байгаа. Одоогоор 46 компани хар жагсаалтад бүртгэгдсэн. Мөн 107 компанийг хар жагсаалтад оруулах санал ирүүлсэн. Хар жагсаалтад орсон компиануудыг төрийн худалдан авах ажиллагааны тухай хуульд зааснаар хар жагсаалтад гурван жил байлгана. Тэр хооронд алдаагаа засаж залруулах боломжтой” гэлээ.
ҮЗЭХ:
