Завхан аймгийн Нарийн голын мөс цөмөрч зорчиж явсан хоёр зорчигчтой автомашин суусан байсныг татаж гаргажээ.
Тухайлбал, Завхан аймгийн “Нарийн гол” гэдэг газар /аймгийн төвөөс баруун хойд зүгт 115 км, сумын төвөөс баруун зүгт 20 км/-т Нарийн голын мөсөн дээгүүр зорчиж явсан суудлын автомашин голын мөс цөмөрч суусан тухай дуудлагыг хоёрдугаар сарын 16-ны өдрийн 08:50 цагт тус аймгийн онцгой байдлын газар хүлээн авчээ. Дуудлагын дагуу аймгийн Онцгой байдлын газрын Гал түймэр унтраах, аврах 43 дугаар ангийн алба хаагчдыг очиход тус аймгийн Цэцэн-Уул сумаас Эрдэнэхайрхан сумын чиглэлд иргэн Ц /40 настай, эрэгтэй/-ийн жолоодож явсан “Грэйс” загварын хоёр зорчигчтой суудлын автомашин голын мөс цөмөрч суусан байсан тул 18:25 цагт татан гаргажээ.