Цаг уурын газрын урьдчилан мэдэгдсэнээр өнөөдрөөс /2023.01.25/ нэгдүгээр сарын 28-ныг хүртэлх өдрүүдэд Өвөрхангай аймгийн нийт нутгаар цасан шуурга шуурна. Үүнтэй холбоотойгоор Өвөрхангай аймгийн цагдаагийн газраас сэрэмжлүүлэг мэдэгдэл гаргалаа.
Тодруулбал, цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах, иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байх, хол замд гарах үедээ тээврийн хэрэгслийн бүрэн бүтэн байдлыг ханган, цасанд сууж, төөрөх, өөрийн болон бусдын амь насыг эрсдэлд оруулахгүй байхыг сэрэмжлүүлж байна.
