ШУА-ийн дэргэдэх Тархи Сэтгэл судлалын хүрээлэн, Монголын Нейросайнсийн нийгэмлэг, АШУҮИС, Боловсрол, Шинжлэх ухааны яам, Олон улсын тархи судлалын байгууллагатай хамтран “Салбар дундын тархи судлал- 2022” сэдэвт олон улсын эрдэм шинжилгээний хурлыг наймдугаар сарын 8-11-ний өдрүүдэд тархи сэтгэл судлалын хүрээлэнд зохион байгуулна.
Тус хуралд АНУ, Япон, Солонгос, Малайз, Киргиз, БНХАУ, ОХУ зэрэг 10 гаруй орны 11-н тархи судлалын шилдэг профессорууд долоо хоногийн турш 29 илтгэл тавих юм.
Үүнд:
- Тархи судлалын хөгжил ямар түвшинд явж буй
- Тархи судлалын ШУ-ны хөгжил
- Монгол Улсад тархи судлалын хөгжил ямар түвшинд байгаа вэ?
- Цаашид тархи судлалыг Монгол Улсад хөгжүүлэх ямарт зорилтуудыг хэрэгжүүлж буй
- Тархи судлалын шинэ амжилтуудыг гадаадын эрдэмтэд толилуулах арга хэмжээ болох юм байна.
Мөн
- Тархины төрөлхийн болон олдмол эмгэгүүд, хэрхэн урьдчилан сэргийлэх, оношлогоо эмчилгээ
- Оюун ухааны чадвараа хэрхэн сайжруулах
- Зөнөгрөл
- Тархи судлалын шинжлэх ухаан ирээдүйд бидний амьдралд хэрхэн сайнаар болон муугаар нөлөөлөх
- Сэтгэцийн эмгэг
- Стрессийн бие махбодид үзүүлэх нөлөө
- Одоо манай хүрээлэн дээр хийгдэж буй нойрны чанарын судалгаа
зэрэг сэдвээр мэргэжлийн эмч судлаач нараас ярилцлага авах боломжтой аж.