Захчин угсаатны түүх, ардын урлаг, уламжлалт өв соёлыг дэмжих, сэргээн хөгжүүлэх, түгээн дэлгэрүүлэх, өвлүүлэн үлдээх, соёлын биет болон биет бус өв, зан үйл, ёс заншил, эд хэрэглэлийг өвлөн уламжлагчдыг алдаршуулах, авьяас билгийг хөгжүүлэн сурталчлах зорилго "Тонжоо" наадам Ховд аймагт болжээ.
Тус наамдыг УИХ-ын гишүүн С.Бямбацогтын өвөг эцэг, партизан Тогтохын Найдангийн ураг удам, үр сад болсон ахан дүүс нь 100 сая төгрөгөөр ивээн тэтгэсэн байна. Энэ уралдаанд Алтай сумынхан түрүүлж, TOYOTA ESTIMA маркийн автомашины эзэн болжээ. Харин Үенч сумынхан хоёрдугаар байр эзэлж 20 сая төгрөг, Манхан сумынхан гуравдугаар байр эзэлж 15 сая, тусгай байрт Мөст, Зэрэг сумынхан шалгарч, тус бүр 7.5 сая төгрөгөөр шагнуулсан байна. Мөн "Тонжоо" наадмын үеэр УИХ-ын гишүүн Б.Пүрэвдорж "Тонжоо" дууг дуулан авьяасаа гайхуулж, наадамчин олныг баясгажээ.
