Японы Ямагучи хотын орон нутгийн эрх баригчид сүүлийн долоо хоногт 42 хүнийг гэмтээсэн зэрлэг сармагчнуудтай тэмцэхийн тулд тайвшруулах буу ашиглахаа өчигдөр мэдэгджээ.
Тодруулбал, Японы баруун хэсгийн хотод сармагчингууд олон удаа халдлага үйлдэж, бага насны хүүхдийг хазсан тохиолдол гарсан байна. Тус хотын албаныхан мэдээлснээр, “Эхэндээ зөвхөн хүүхэд эмэгтэйчүүд халдлагад өртөж байсан бол сүүлийн үед өндөр настан, эрэгтэй хүмүүс рүү ч дайрч байгаа тул тайвшруулах буугаар асуудлыг шийдэхээс өөр сонголтгүйд хүрсэн гэжээ. Ямагучи хот нь бүхэлдээ уулсаар хүрээлэгдсэн бөгөөд сармагчин халдах байтугай харах нь ч тун ховор аж. Гэхдээ богино хугацаанд ийм олон халдлага гарч байгаа нь сармагчингууд ямар нэг зүйл хүссэн эсвэл ямар нэг зүйлийн дохио байж болзошгүй талаар нутгийн иргэд таамаглаж байгаа гэжээ. Харин албаныхан юуны улмаас ийм олон тооны халдлага гарч байгаа талаар мэдэхгүй байгаа аж.
ВИДЕО:
