Энэ долдугаар сарын 20-ны өдөр /2022.07.20/ Багахангай дүүргийн баяр наадам болж өндөрлөсөн байна. Тус дүүргийн баяр наадамд аймгийн заан, энэ жилийн Сар шинийн баярын түрүү бөх Э.Мөнхжаргал түрүүлж, Аймгийн арслан цол хүртжээ.
Тодруулбал,Тус барилдаанд нийт 128 бөх барилдснаас Архангай аймгийн Хотонт сумын харьяат аймгийн заан Эрдэнэхүүгийн Мөнхжаргал түрүүлж Аймгийн арслан болсон бол Булган аймгийн арслан Б.Очирхүү үзүүрлэж эрэмбээ дээшлүүлсэн байна. Харин их шөвөгт Сэлэнгэ аймгийн заан Б.Ганбаяр, Дорнод аймгийн начин Ш.Нямсайхан нар үлджээ.
