Монголын үндэсний спортын долоодугаар наадмын зохион байгуулах хорооноос тус наадмын зохион байгуулалттай холбоотой мэдээлэл хийлээ. Тодруулбал, “Монголын үндэсний их наадам" наймдугаар сарын 11-14 /2022.08.11-14/ ний өдрүүдэд “Хүй долоо худаг”-т спортын 13 төрлөөр зохион байгуулагдах аж. Тус наадамд одоогийн байдлаар 2700 гаруй тамирчин цахимаар бүртгүүлээд байгаа бол, наадмын арга хэмжээнд нийт 3000 гаруй тамирчин оролцох төлөвтэй байгаа аж. Тус наадам сур харваа, морьт харваа, үндэсний бөхийн барилдаан, шагайн харваа, жороо морины уралдаан гэсэн төрлүүдээр зохион байгуулагдах ажээ.
