Нийслэлийн Чингэлтэй дүүргийн долоодугаар хороо, Хувьсгалчдын гудамжинд есөн настай хүүхэд нүхэн жорлонд унасан гаргаж чадахгүй байна гэсэн дуудлагыг зургадугаар сарын 09-ний өдөр 14:45 цагт хүлээн авсан байна.
Нийслэлийн Аврах ангийн алба хаагчид 10 км замыг туулан очиход иргэн А /9 настай, эрэгтэй, хөгжлийн бэрхшээлтэй/ 2.2 метрийн гүнтэй нүхэн жорлонд унаж иргэд гаргасан байсныг эмнэлгийн анхны тусламж үзүүлэн тус дүүргийн Цагдаагийн нэгдүгээр хэлтэст хүлээлгэн өгсөн.
