Сүхбаатар аймгийн Эрдэнэцагаан суманд, гэрийнхээ хашаанд тоглож байсан гурван настай хүү эзэнгүй бэлчих адуунд өшиглүүлж хүнд бэртэл авсан хэрэг гарчээ.
Тодруулбал, 2022 оны 5 дугаар сарын 16-нд эзэнгүй бэлчиж байсан адуу айлын хашаанд орж гэрийнхээ гадаа тоглож байсан гурван настай /эрэгтэй/ хүүхдийг бэртээжээ. Хүү тархиндаа хүнд бэртэл авч Улаанбаатарт хүргэгдэн ГСҮТ-д хэвтэн эмчлүүлж байгаа аж. Иймд иргэд малаа хариулга маллагаатай байлгаж, аймаг, сумын төвөөр бэлчээхгүй байхыг анхааруулах үүднээс энэхүү мэдээллийг нийтэллээ.