ОХУ-ын Батлан хамгаалахын сайд С.Шойгугийн, "АНУ болон барууны бусад орнууд Оросын Украинд хийж байгаа цэргийн ажиллагааг сунжруулахын тулд бүхнийг хийж байна" гэж ярьж байгааг Оросын төрийн өмчийн Россия 24 телевиз өнөөдөр /2022.04.19/ дамжуулжээ.
С.Шойгу хэлэхдээ, Украинд нийлүүлэх гадаадын зэвсгийн хэмжээ нэмэгдэж байгаа нь "Тэд Киевийн дэглэмийг Украины сүүлчийн байр сууринд хүртэл дэмжинэ гэсэн санааг тодорхой харуулж байна" гэжээ. Тэрээр Украины зүүн хэсэгт өөрсдийгөө тунхагласан босогч байгууллагуудын тухай дурдаж, Оросын зэвсэгт хүчин "Донецк, Луганск ардын бүгд найрамдах улсыг чөлөөлөх" төлөвлөгөөг аргачлалтай хэрэгжүүлж байна гэж нэмж хэлэв.
Шойгугийн дээрх мэдэгдлийг Оросын төрийн өмчийн Россия 24 телевизийн сувгаар үзүүлэхэд, тэрээр Москвад тус улсын цэргийн дээд албан тушаалтнуудтай уулзаж байхдаа ийнхүү үг хэлж байгааг нь харуулжээ. Харин тус уулзалтыг шууд дамжуулсан уу, эсвэл урьдчилан бичлэг хийсэн үү гэдэг нь тодорхойгүй байгаа аж.
Эх сурвалж: CNN
