Хонконгчуудын жагсаал улам хурцтаж, эмх замбараагүй байдал даамжирсаар.
БНХАУ-ыг байгуулсын 70 жилийн ойтой давхцуулсан тэд эсэргүүцлийн жагсаалаа илүү өргөн хүрээнд зохион байгууллаа. Харамсалтай нь, энэ үеэр цагдаа нар жагсагчид руу гал нээжээ.
Тэд өмнө нь зөвхөн нулимс асгаруулагч хий, резинэн сум ашиглаж байсан юм. Энэ удаа гал нээсний улмаас 18 настай оюутан буудуулжээ. Шархадсан оюутныг эмнэлэгт хүргэсэн аж. Мөн хоёр хүн хүнд бэртэн, 74 жагсагч шархдан, 180 хүнийг баривчилсан ажээ.
