Украины арми өчигдөр /2022.03.15/ Херсон хотын олон улсын нисэх онгоцны буудалд Оросын цэргийн хэд хэдэн нисдэг тэргийг устгасан гэж “Planet Labs”-ын хиймэл дагуулаас авсан шинэ зургууд харуулжээ.
Хиймэл дагуулаас авсан зураг дээр нисэх онгоцны буудлаас том хар утаа гарч, хэд хэдэн нисдэг тэрэг шатаж байгаа нь харагдах аж. Энэ бол дайны үеэр Украины армийн Оросын нисдэг тэрэгнүүдийн эсрэг хийсэн хамгийн их хор хөнөөлтэй цохилт бөгөөд онгоцны буудал дээр дор хаяж гурван Оросын нисдэг тэрэг шатаж байгаа нь харагджээ. Нисэх буудлын ойролцоох цэргийн машинууд ч мөн цохилтод өртсөн байна.
Мөн ойролцоох нисгэгчгүй онгоцоор авсан өөр нэг зурагт онгоцны буудлаас их хэмжээний утаа гарч байгааг харуулжээ.
Дэлхий даяар гарч буй томоохон түймрийг бүртгэдэг НАСА-гийн Галын Мэдээллийн Нөөцийн Менежментийн Систем (FIRMS) дээрх нисэх онгоцны буудалд болсон цэргийн цохилтыг хүлээн авсан байна. FIRMS-ийн мэдээллээр цэргийн цохилт орон нутгийн цагаар өчигдөр /2022.03.15/ 13:42 цагийн орчимд болсон гэжээ.
Харин Даваа гараг /2022.03.14/-т Maxar Technologies компанийн хиймэл дагуулаас авсан зургуудад Оросын цэргийн хэд хэдэн нисдэг тэрэг Херсон хотын олон улсын нисэх онгоцны буудлын талбайд байгааг харуулсан байна. Ойролцоох газруудад олон арван цэргийн машинууд ч харагдах ажээ.
Эх сурвалж: CNN
